logo
बिहिबार, भाद्र २ २०७९
देउवा अमेरिका र परराष्ट्रमन्त्री चीनतिर लाग्ने !

देउवा अमेरिका र परराष्ट्रमन्त्री चीनतिर लाग्ने !


82
SHARES

काठमाडौं । प्रधानमन्त्री शेरबहादुर देउवा अमेरिका भ्रमणमा जाने लगभग निश्चित भएको छ । आइतबार परराष्ट्र मन्त्रालयले प्रधानान्त्रीको भ्रमणको तयारी भइरहेको तर मिति तय भइनसकेको जानकारी दिएको हो ।

आइतबार मन्त्रालयमा आयोजित पत्रकार सम्मेलनमा बोल्दै परराष्ट्र मन्त्रालयकी प्रवक्ता सेवा लम्सालले प्रधानमन्त्री देउवाको अमेरिका भ्रमणबारे कुरा चलिराखेको बताइन् ।

पत्रकारहरुले राखेका जिज्ञासाको जवाफ दिने क्रममा उनले प्रधानमन्त्री देउवाको सो भ्रमण अपेक्षित रहेको उल्लेख गर्दै सबै कुरा तयारी पुगेपछि तिथिमितिको घोषणा हुने र उपयुक्त समयमा त्यसबारे सञ्चार माध्यमहरुलाई जानकारी दिने स्पष्ट पारिन् ।

प्रवक्ता लम्सालले परराष्ट्रमन्त्री डा.नारायण खड्काको चीन भ्रमण पनि उपयुक्त समयमा हुने बताए । उनले भने, ‘सम्माननीय प्रधानमन्त्रीज्यूको अमेरिका भ्रमणको कुरा चलिराखेको छ ।

अपेक्षित छ यो भ्रमण । अव यसको चाँही तपाईहरुलाई थाहा नै छ । निमन्त्रणा गर्ने प्रक्रिया हुन्छ । त्यसलाई स्विकार गर्ने पनि प्रक्रिया नै हुन्छ ।

सबै कुरा तयारी पुगेपछि तिथिमितिको घोषणा गर्ने एउटा प्रक्रिया छ । उपयुक्त समयमा यसका जानकारी यहाँहरुलाई दिनेनै छौं । माननीय परराष्ट्रमन्त्रीज्यूको चीन भ्रमण पनि उपयुक्त समयमा हुनेछ ।’

प्रतिक्रिया
सम्बन्धित समाचार