शुक्रबार, माघ ७ २०७८
एमाले सुनसरीको अध्यक्षमा भण्डारी विजयी, द्वारिकलालले कटाएनन् सय मत

एमाले सुनसरीको अध्यक्षमा भण्डारी विजयी, द्वारिकलालले कटाएनन् सय मत


  • दैनिक न्यूज नेपाल
  • बिहिबार, पुष २९ २०७८
1.9K
SHARES

काठमाडौं । नेकपा (एमाले) सुनसरीको सातौं अधिवेशनबाट अध्यक्षमा रेवतीरमण भण्डारी विजयी भएका छन्।

प्रतिस्पर्धामा रहेका खेमराज पोख्रेल र द्वारिकलाल चौधरीलाई हराउँदै भण्डारी निर्वाचित भएका हुन्।

कूल खसेको १८०५ मत मध्ये भण्डारीले ९२० मत पाएर निर्वाचित भएका हुन्।

जितसँगै भण्डारीको अध्यक्षमा दोस्रो कार्यकाल हुनेछ। यसअघि छैटौं अधिवेशनको क्रममा भण्डारी सर्वसम्मत निर्वाचित भएका थिए।

भण्डारीले ९२० मत ल्याउँदा उनका प्रतिस्पर्धी खेमराज पोख्रेलले ७७५ मत ल्याए भने द्वारिकलाल चौधरीले ८० मत मात्र पाए।

इटहरी उपमहानगरपालिकाका मेयरसमेत रहेका चौधरीले सय मत पनि कटाउन सकेनन्।

मेयर रहँदा विभिन्न विवादास्पद अभिव्यक्तिका कारण चर्चामा आउने गरेका मेयर चौधरीले भने पार्टी निर्वाचनमा लज्जास्पद हार व्यहोरेका छन्।

कूल खसेको मतको आधारमा चौधरीको पक्षमा ४।४३ प्रतिशत मात्र मत खसेको हो।

२०७० सालको छैटौं अधिवेशनमा निर्वाचित भएपछि २०७० मङ्सिरमा भएको दोस्रो संविधानसभा निर्वाचनमा समेत भण्डारी निर्वाचित भएका थिए।

संविधानसभामा निर्वाचित भएसँगै भण्डारीले जिल्ला अध्यक्ष पदबाट राजीनामा दिएका थिए। त्यसपछि जिल्ला सम्मेलन गरेर द्वारिकलाल चौधरीलाई अध्यक्षको जिम्मेवारी दिइएको थियो।

प्रतिक्रिया
सम्बन्धित समाचार